Dios Lojo, Ventura

Caldeireiro e político, 55 anos. Casado. Veciño da rúa Taxonera, 16-1º, en Ferrol (A Coruña).

Concelleiro polo PSOE nas corporacións de 1931, 1932 e 1935; tamén era concelleiro polo PSOE na Corporación de Ferrol en 1936, cando o golpe de Estado.

Concelleiro nas corporacións das que fora alcalde Jaime Quintanilla Martínez, de 1931 a 1934, tivo entre outros compañeiros a: Edmundo Lorenzo Santiago, exiliado; Federico Pérez Lago, encarcerado; Manuel Morgado González del Valle, executado; Antonio Santamaría López, exiliado; Fermín-Andrés Mejuto Fernández, procesado; Tomás Serantes Liz, exiliado; Hipólito Martínez Vez, procesado; Francisco del Río Barros, encarcerado; Adolfo Rodríguez Sánchez, encarcerado; Luciano Cereijo Rodríguez, procesado.

Con todos eles coincidiu como concelleiro na corporación de 1936, agás con Edmundo Lorenzo, Tomás Serantes e Luciano Cereijo. Si estaba entón José López Bouza, de Esquerda Republicana (ER); a alcaldía correspondía por entón a Antonio Santamaría López, cando se produce o golpe militar.

Encarcerado.

Xulgado en consello de guerra no Cuartel de Zapadores, en Ferrol, o día 11/08/1936 polo delito de traizón (participar na defensa do Concello de Ferrol), na causa 182/36, co resultado de sentenza a cadea perpetua.

Neste consello militar condenaron á pena de morte a: Fernando Carballo Rodríguez, Manuel Morgado González del Valle, Juan Rincón Téllez e Antonio Santamaría López; castigaron a cadea perpetua a: Ventura Dios Lojo, José López Bouza, Miguel Mendiguchía Real, Federico Pérez Lago, Adolfo Rodríguez Sánchez e Francisco del Río Barros.

No proceso exerceu de fiscal o auditor Hernán Martín-Barbadillo Pául, que pide a pena de morte para todos os procesados.

Ingresado na Prisión Provincial da Coruña o día 14/08/1936.

Trasladado ao penal do Forte de San Cristóbal, Pamplona (Navarra) do día 19/12/1936 ao día 30/07/1940, cando o poñen en liberdade.

Pena ordinaria conmutada pola comisión de exame de penas da Coruña.