Soto Pombo, José

Chofer, 14 anos. Veciño do barrio dos Castros, na Coruña.

Militante do PCE.

Encarcerado.

O día 11 de maio de 1945 deteñen a: Abel García Sánchez, da rúa da Pontenova, 5, baixo, na Coruña; Eduardo Sánchez Lago, propietario do Bar La Luz, da Vereda do Polvorín, 2, na Coruña; e Avelino Rivas Pombo, acusados de actividades subversivas contra do Réxime. Torturados e encarcerados na Prisión Provincial da Coruña o día 17 de maio.

Polas súas declaracións detiveron a José Blanco Núñez, Ferreirín; Manuel-Luis Bello Parga, Manolito Bello; José Soto Pombo e ao curmán de Avelino, Francisco Cousillas Pombo.

Xulgado en consello de guerra na Coruña por frases subversivas, na causa 159/45, co resultado de ser declarado fuxido e en rebeldía.

Neste xuízo procesaron a: Manuel-Luis Bello Parga, José Blanco Núñez, Francisco Cousillas Pombo e José Soto Pombo.

Xulgado no Tribunal Militar Territorial da Coruña polo delito de asasinato, na causa 271/46, tamén declarado fuxido e en rebeldía.

Procesaron neste expediente, entre outras persoas, a: Benigno Andrade García, José Blanco Núñez, Francisco Cousillas Pombo, José Dasilva Bartomeu, Manuel Díaz Pan, José Pedreira de la Iglesia, Manuel Pena Camino, Manuel Ponte Pedreira, Avelino Rivas Pombo, Marcelino Rodríguez Fernández e José Soto Pombo.

Prendérono os franquistas en xullo de 1947.

Internárono na Prisión Central de Burgos e na Prisión Provincial da Coruña; deixárono en liberdade condicional en outubro de 1948.