Rodríguez Alarcón, José-Manuel-Bernardino

Médico e político, 24 anos. Casado con Amalia Oubiña Bermúdez de Presedo. Médico e veciño de Vilaxoán, San Martiño de Fóra de Sobrán, Vilagarcía de Arousa.

Concelleiro de Vilagarcía de Arousa.

Fuxido.

Foxe na evasión da lancha a motor San José nº 2, desde Cabo de Cruz, Boiro (A Coruña), ao porto de Leixões, Matosinhos (Portugal) o día 27/07/1936, fuga que organizara o alcalde en funcións de Boiro, José Martínez Virel. Os 19 fuxidos desembarcaron no porto de Leixões, prendéronos e recluíronos no Forte de São Bruno de Caxías, Oeiras (Portugal).

Nesta operación fuxiron os seguintes veciños de Boiro: Cipriano-Juan-Emilio Blanco Fuciños, funcionario municipal; Marcial de Diego Andreu, funcionario municipal; Antonio Ferreirós Martínez, mariñeiro; Antonio Lago Outeiral, carpinteiro; José Martínez Virel, mestre; José-Manuel Muñiz Santiago, mariñeiro; Manuel Ojea Torrecilla, mecánico; Juan-Antonio Somoza Outeiral, ferreiro; Ramón Somoza Rebollido, ferreiro; Victoriano Somoza Rebollido, ferreiro e José Viturro Ozores, mariñeiro.

Tamén escaparon os veciños da Pobra do Caramiñal: Antonio Domínguez Fontán, funcionario municipal; Carlos-Segundo Iglesias Rodríguez, mecánico; Pastor Núñez Cariño, funcionario municipal; Antonio Pérez Gómez, mecánico e Manuel-Venerando Porteiro Viña, funcionario municipal.

De Vilagarcía de Arousa (Pontevedra) fuxiron: Pedro Díaz Abalo, comerciante; José-Manuel-Bernardino Rodríguez Alarcón, médico e Elpidio Villaverde Rey, industrial, deputado nacional por ER.

Xulgado en consello de guerra en Ferrol (A Coruña), no ano 1936, polo delito de rebelión co resultado de ser declarado fuxido e en rebeldía.

Retómase o seu procesamento en Ferrol, no ano 1942, co resultado de sentenza de sobresemento provisorio.