Doldán Don, José

Electricista, 23 anos. Casado con Francisca Casal Sánchez; tiñan unha filla que se chamaba Francisca Doldán Casal. Veciños da Coruña. Pertencía a unha familia de tendencia socialista. Fillo de Manuel Doldán Caridad, paseado, e irmán de Manuel Doldán Don, morto no intento de Fuga do Portiño.

Anarquista da CNT e próximo ao PSOE.

Fuxido. Morte en enfrontamento.

Despois do triunfo da sublevación militar tentou fuxir por mar pero fracasou na tentativa de Fuga do Portiño. Considerado sospeitoso neste intento, o día 04/03/1937 sorprendérono na Ronda de Nelle, na Coruña, na casa de Vicente Oliver Barcelona, Valencia. Enfrontáronse os dous aos represores e fuxiron polos tellados.

Agochado desde ese momento, incorporouse á loita guerrilleira en setembro de 1945 dentro da IV Agrupación do Exército Guerrilleiro de Galicia (EGG), que mandaba Marcelino Rodríguez Fernández, Marrofer.

Morreu o día 26/06/1946 nunha casa de Milreu na que descansaban. Ese día a Avelino Rivas Pombo e a Marrofer cercounos a Garda Civil en Milreu, por mor dunha delación, xunto con outros oito guerrilleiros de diferentes destacamentos da IV Agrupación. José Dasilva Bartomeu, Moreno, Manolete; Avelino Rivas Pombo, Edelmiro, o Rubio; Benigno Andrade García, Foucellas; Manuel Díaz Pan, Rogelio, Casado; Francisco Cousillas Pombo; Emilio Pérez Vilariño, Claudio Beas, e Pedro Calvete Brea conseguiron evadir o cerco.

Marcelino Rodríguez Fernández, Marrofer; Lisardo Freijo López, Tenente Freixo; Ángel Álvarez Rego e José Doldán Don morreron tiroteados pola Garda Civil. Os outros sete lograran fuxir porque se achaban noutro edificio.

Morte rexistrada a causa dunha hemorraxia interna.

Soterrárono no cemiterio de San Vicente de Fervenzas.