Delgado Fernández, Alejandro

Peón albanel, 40 anos. Veciño da rúa Orzán, 101-baixo, na Coruña.

Secretario da Sección de Peóns do Sindicato Único do Ramo da Construción na Coruña, da CNT. Socio do Centro de Estudos Sociais Germinal. Afiliado da Federación Anarquista Ibérica (FAI).

Paseado.

Participou na rede clandestina de anarcosindicalistas da Coruña despois do golpe militar rebelde.

Morte rexistrada ás 03:00 h na Coruña a consecuencia de disparos de arma de fogo, que lle ocasionaron unha hemorraxia cerebral.

Vítima da operación policial desenvolta contra a reorganización da FAI na Coruña.

Asasinado no Campo da Rata, na Coruña, con Antonio Varela Miguélez e José González González, ao aplicárselles a Lei de Fugas nun suposto intento de fuxida.

Soterrárono o día 14 de xullo nunha fosa común no cemiterio de San Amaro, na Coruña, con Enrique Fernández Díaz, José González González e Antonio Varela Miguélez.

Xulgado en consello de guerra na Coruña polo delito de rebelión na causa 992/37.

Neste xuízo procesaron, entre outras persoas, a: Fernando Caamaño Pérez, Alejandro Delgado Fernández, Alicia Dorado Viso, Antonio Fournerakis, José González González, Carlos Míguel Pérez, María Otero González, Alejandro-Basilio Palacios, Jesús Rodríguez, Santiago Sanjurjo López, José Torres Regueira, José Valeiro Caramés e Antonio Varela Miguélez.