Martínez Cerviño, José-María

Veciño de Almoite. Fillo dun veterinario e dunha mestra.

Fuxido. Executado.

Integrante da II Agrupación do Exército Guerrilleiro de Galicia (EGG), onde era o encargado das provisións, as menciñas e a dinamita.

Da II Agrupación do EGG convértese en xefe militar Samuel Mayo Méndez, con Benigno Fraga Pita, Alejandro, como comisario político e delegado do PCE e na que se integran, entre outras persoas: Manuel Álvarez Novoa; Gumersindo Ansias Fernández, Sindo; Raúl Castro Cao, o Arxentino; Servando Cudeiro Prieto; Camilo de Dios Fernández; Perfecto de Dios Fernández; Carmen Fernández Seguín (nai de Camilo e Perfecto de Dios); César González González, Madriles; José-María Martínez Cerviño, Jaime; Manuel Nóvoa Barreiros; Máximo Nóvoa Barreiros; Antonio Pérez Barreiros, Cabila; Enrique Rey Durán; Manuel Rodríguez González; José-María Saavedra Díaz, Pepe; Lucio Saburido Feijoo; Ángel Santos Rodríguez, Antonio de Verín; Juan Selas e Juan Sorga Rodríguez.

Tiñan o refuxio na Edreira, San Pedro de Gabín, Montederramo (Ourense), na casa do matrimonio de Francisco Fernández Rodríguez, Galán, e Nieves González; Francisco sería asasinado pola brigadilla da Garda Civil en marzo de 1949 e a casa queimada.

Consegue fuxir das detencións represoras e dirixiuse cara Salamanca.

Localizado cando pedía os papeis para casar, prendérono os franquistas.

Xulgado no Tribunal Militar Territorial de Ourense, na causa 96/51, co resultado de sentenza á pena de morte.

Executado na Prisión Provincial de Ourense.

Soterrárono no cemiterio municipal de Ourense o día 09/12/1951.