Valle Fernández, Manuel del

Chofer, 36 anos. Solteiro. Veciño de Viveiro. Irmán de Eugenio del Valle Fernández, tamén encarcerado.

Militante do PCE e presidente do Radio Comunista en Viveiro.

Fuxido. Encarcerado.

Xulgado en consello de guerra en Lugo o día 01/12/1936 polo delito de rebelión militar, na causa 814/36, co resultado de ser declarado fuxido e en rebeldía segundo resolución do 08/12/1936.

A sentenza deste proceso condenou á pena de morte a: Segundo Arias Pérez, Jesús Bellas Cao (xulgado en varias causas), Ángel Fraga Orosa, César Parapar Sueiras e Javier-Victoriano Soto Valenzuela. Cadea perpetua para Bernardino Núñez Rodríguez, pena de 20 anos para Modesto Cociña González, de 15 anos para José-Antonio Bouza Franco e de 12 anos para Nicasio Gómez Leal. O mesmo auto declarou fuxidos a: José Fernández Picos, Francisco-Jesús García Gómez, Claudio Quelle Cociña, José Seco Catá, Emilio-Manuel Timiraos Cervo, Eugenio del Valle Fernández e Manuel del Valle Fernández.

Xulgado en consello de guerra en Lugo polo delito de rebelión e auxilio á rebelión, na causa 903/36, co resultado tamén de ser declarado fuxido e en rebeldía.

Ditáronse as seguintes sentenzas de pena de morte para: Jesús Bellas Cao e Agustín Rouco Vilar; castigaron a cadea perpetua a: Antonio Andrade Teixeira, José Chao González, José Doval Guerreiro, José Fraga Otero, Elías García Insua, Antonio González Costa, Jesús Lage López, Luis Paleo Leal, Manuel-José Parapar Díaz, José Pernas Vizoso, Vicente Quelle Cociña, Sebastián Romero Sánchez e Severino Sanjurjo Fernández; 20 anos de prisión para Carmen López Parapar; Sentenciaron a 15 anos de cadea a: Miguel Álvarez Insua, Francisco Martínez Oca, Francisco Pardo Timiraos, Avelino Prieto Rodríguez, José-María Sánchez Fernández, Jesús Sánchez García e José Timiraos Trasancos; condenaron a oito anos a Manuel Chao Pérez; declararon fuxidos a: Severino Bouza Pardo, Francisco-José García Gómez, Pedro López Fernández, Manuel Rodríguez Lago, José Seco Catá, Andrés Vale Blanco, Manuel del Valle Fernández e Modesto Vilar Insua.

Xulgado en consello de guerra en Lugo polo delito de auxilio á rebelión, na causa 931/36, co resultado de ser declarado fuxido e en rebeldía.

No mesmo xuízo condenaron a 20 anos de prisión ao seu veciño Manuel Fernández Gómez.

Procesado tamén olo delito de rebelión militar na causa 949/36, co resultado de sentenza de sobresemento provisorio segundo resolución do día 14/04/1937.

Neste caso ditáronse as seguintes sentenzas de condenas á pena de morte para: Marcelino Albo Meitín e Emilio-Manuel Timiraos Cervo; cadea perpetua para: José Chao Rivera e Jesús López Suárez; sentenza de sobresemento provisorio para Manuel del Valle Fernández e, a José Castro Vázquez, declarárono fuxido.

Ingresado na Prisión Provincial de Lugo o día 16/04/1939.

Xulgado en consello de guerra en Lugo polo delito de auxilio á rebelión, na causa 344/39, co resultado de sentenza a cadea perpetua segundo resolución do día 07/08/1939. Proceso contra varios veciños de Viveiro e Xove.

No xuízo ditouse a pena de cadea perpetua para Manuel del Valle Fernández e auto se sobresemento provisorio para: José Rodríguez Martínez e Eugenio del Valle Fernández.

Concédeselle a prisión atenuada o día 08/01/1942 e puxérono en liberdade definitiva o 01/03/1943.