García de la Herrán Martínez, Miguel

Enxeñeiro e militar, 56 anos. Ingresou na Academia de Enxeñeiros do Exército de Guadalaxara no ano 1895 e acabou a súa formación en 1899 co grao de tenente. Loitou nas campañas de África, onde acada o grao de coronel por méritos de guerra. Xeneral de brigada.

Na ditadura de Miguel Primo de Rivera Orbaneja solicitou o pase á reserva e careceu de mando de 1931 a 1936.

Apoiou activamente a sublevación de José Sanjurjo Sacanell do día 10/08/1936, a "Sanjurjada" e condenárono a cadea perpetua. Amnistiado durante o Goberno de Alejandro Lerroux García.

O día 08/03/1936 participa na reunión conspiradora da rúa Xeneral Arrando, 19, en Madrid, domicilio do deputado da CEDA, José Delgado Hernández de Tejada.

Nesta reunión estaban: Francisco Franco Bahamonde, Luis Orgaz Yoldi, Emilio Mola Vidal, Rafael Villegas Montesinos, Joaquín Fanjul Goñi, Ángel Rodríguez del Barrio, Andrés Saliquet Zumeta, Miguel García de la Herrán Martínez, Manuel González Carrasco, Luis-Miguel Limia-Ponte Manso de Zúñiga, o coronel José-Enrique Varela Iglesias e o tenente coronel Valentín Galarza Morante, pola Unión Militar Española (UME).

Falaron de que era imprescindible dar un golpe de Estado, que José Sanjurjo era o líder máis adecuado e o 20 de abril o día do pronunciamento. O día 20/04/1936 non houbo ningún movemento nos cuarteis. O Goberno republicano decatouse do suficiente como para encarcerar a Varela Iglesias e confinar a Orgaz en Canarias. Franco non contrae compromisos firmes naquela reunión.

Golpista. Axustizado.

Cando se produce o golpe de Estado, Emilio Mola Vidal encargoulle a García de la Herrán, cos xenerais Rafael Villegas Montesinos e Joaquín Fanjul Goñi a toma de Madrid. A García de la Herrán confiáronlle a toma, en concreto, das unidades acantonadas en Carabanchel. Caeu abatido nun confuso tiroteo durante a operación de conexión co Cuartel de la Montaña, que estaba nas mans de Joaquín Fanjul.

Testemuñas directas dos feitos (Julián Zugazagoitia Mendieta) afirman que o someteron a un proceso penal polo delito de rebelión e fusilárono xunto con Fanjul despois de que se renderan no Cuartel da Montaña.