Rodríguez Losada, Luis

Albanel, 28 anos. Casado. Veciño de San Salvador de Vilasante, O Saviñao.

Militante da UXT e dirixente do PSOE. Membro da Sociedad de Trabajadores de la Tierra de Escairón.

Encarcerado.

Ingresado na Prisión Provincial de Lugo o día 11/03/1940.

Xulgado en consello de guerra en Lugo polo delito de rebelión militar e auxilio á rebelión, na causa 415/38, co resultado de sentenza a 12 anos de prisión. Xulgaron neste procedemento a varios veciños do Saviñao. Neste xuízo acumuláronse outras dúas causas.

Condenaron á pena de morte a: Antonio López Barro, Antonio Sánchez Quiroga e José-María Teixeira Montero; cadea perpetua para: Jesús Nieves Sánchez, Manuel Pérez Fernández, Bernardo Sánchez Quiroga e Francisco Sánchez Quiroga; prisión de 12 anos a: José Ferreiro Pérez, Germán López González, José Losada Ferreiro e Luis Rodríguez Losada. Ditouse auto de sobresemento para: Jesús Díaz Rodríguez, Adelino Losada Rodríguez, Moisés Quiroga Sarmiento, Emilio Ramos Barro e Evaristo Rodríguez Méndez. Declararon fuxidos a: Armando López Losada, Antonio Losada Ferreiro, Antonio Nieves Ferreiro e Ramón Pérez Bispo.

Xulgado en consello de guerra en Lugo polo delito de auxilio á rebelión, na causa 32/41. Xuízo contra varios veciños do Saviñao.

Condenaron a 12 anos de cadea a: Armando López Losada, Antonio Losada Ferreiro e Ramón Pérez Bispo. Tamén enxuizaron a Luis Rodríguez Losada.

Interno na Prisión Provincial de Lugo, deixárono en liberdade condicional provisoria o día 16/10/1941, que se publicou no BOE nº 300 do día 27/10/1941.

Procesárono en Lugo por responsabilidades políticas e indultárono no ano 1942.