Sánchez Quiroga, Francisco

Estudante, 19 anos. Solteiro. Veciño de Escairón, San Salvador de Vilasante, O Saviñao. Irmán de Antonio Sánchez Quiroga, fusilado, de Bernardo Sánchez Quiroga, encarcerado, e de Ramón Sánchez Quiroga, que pasou un tempo na cadea.

Encarcerado.

Ingresado no cárcere de Monforte de Lemos (Lugo) o día 06/08/1936 e trasladado á Prisión Provincial de Lugo.

Xulgado en consello de guerra en Lugo o día 28/12/1936 polo delito de rebelión militar e auxilio á rebelión militar, na causa 729/36, co resultado de sentenza a cadea perpetua. Xulgaron neste procedemento a varios veciños do Saviñao. Este proceso acumularíase á causa 415/38.

Condenaron á pena de morte a: Antonio López Barro, Antonio Sánchez Quiroga e José-María Teixeira Montero; cadea perpetua para: Jesús Nieves Sánchez, Manuel Pérez Fernández, Bernardo Sánchez Quiroga e Francisco Sánchez Quiroga; prisión de 12 anos a: José Ferreiro Pérez, Germán López González, José Losada Ferreiro e Luis Rodríguez Losada. Ditouse auto de sobresemento para: Jesús Díaz Rodríguez, Adelino Losada Rodríguez, Moisés Quiroga Sarmiento, Emilio Ramos Barro e Evaristo Rodríguez Méndez. Declararon fuxidos a: Armando López Losada, Antonio Losada Ferreiro, Antonio Nieves Ferreiro e Ramón Pérez Bispo.

Enviado á Prisión Provincial da Coruña o día 20/03/1937.

Pena ordinaria conmutada pola comisión de exame de penas de Lugo.