Teixeira Montero, José-María

Canteiro, 35 anos. Casado. Veciño de Escairón, San Salvador de Vilasante, O Saviñao (Lugo).

Encarcerado.

Ingresado na Prisión Provincial de Lugo o día 29/07/1936.

Xulgado en consello de guerra en Lugo o día 09/12/1936 polo delito de rebelión militar e roubo de dinamita, na causa 242/36, con Antonio López Barro e co resultado de sentenza á pena de morte segundo resolución do día 14/12/1936.

Xulgado en consello de guerra en Lugo polo delito de rebelión militar, na causa 415/38, co resultado de sentenza á pena de morte. Xulgaron neste xuízo a varios veciños do Saviñao.

Condenaron á pena de morte a: Antonio López Barro, Antonio Sánchez Quiroga e José-María Teixeira Montero; cadea perpetua para: Jesús Nieves Sánchez, Manuel Pérez Fernández, Bernardo Sánchez Quiroga e Francisco Sánchez Quiroga; prisión de 12 anos a: José Ferreiro Pérez, Germán López González, José Losada Ferreiro e Luis Rodríguez Losada. Ditouse auto de sobresemento para: Jesús Díaz Rodríguez, Adelino Losada Rodríguez, Moisés Quiroga Sarmiento, Emilio Ramos Barro e Evaristo Rodríguez Méndez. Declararon fuxidos a: Armando López Losada, Antonio Losada Ferreiro, Antonio Nieves Ferreiro e Ramón Pérez Bispo.

Pena de morte conmutada pola de cadea perpetua.

Concédeselle a prisión atenuada o día 09/07/1940.