Fernández López, Manuel

Médico, 28 anos. Veciño da Ponte Pasaxe, na Coruña. Irmán de María-Elvira Fernández López, casada con Luis Seoane López. Cuñado de Luis Rufilanchas Salcedo, executado. Estudou Medicina na Universidade de Santiago de Compostela (USC), exercendo desde 1933 na Pasaxe (A Coruña) como médico municipal de hixiene.

Militante do Partido Galeguista (PG) desde o 21/03/1936.

Executado.

Colaborou na fuxida de moitos republicanos cara o Principado de Asturias; tamén agochou na súa casa a moitos perseguidos.

A varias persoas veciñas da Coruña detivéronas na operación contra a organización clandestina, que pretendía salvarlle a vida ao deputado socialista Luis Rufilanchas Salcedo e pasalo á zona republicana do Principado de Asturias.

A José detivérono o día 24/02/1937 cando se preparaba a fuga do Sisargas.

Xulgado en consello de guerra na Coruña do día 17 ao 19/05/1937 polo delito de rebelión militar e auxilio á rebelión, na causa 291/37, co resultado de sentenza á pena de morte.

Os xuíces militares condenaron á pena de morte a: Argimiro Aradas Leiro, Manuel Fernández López, José-Santiago García Rey, Francisco González Agilda, Ramón Lea García, Delfino Liñeira Fraga, Francisco Meizoso Veiga, José Méndez Serantes, Rotilio-Enrique Naya Rodríguez, Domingo Rey Lago, Manuel Rúa Losada, Genaro Ruano Sanjurjo, Luis Rufilanchas Salcedo, Nicolás Veiga Núñez e Emilio Zufia Moreno; penas de cadea perpetua para: Manuel Martínez Piñó e José Santiago Temprano; 20 anos de cadea para: Emilia Pérez Pazos e Generoso Rumbo Lafuente; tamén condenaron a prisión a: Conrado Naya Rodríguez e Juan Sánchez Serantes; o tribunal absolveu a Luis Duro de la Iglesia e José Lombardía Bargos.

Conmutáronlles a pena de morte pola de cadea perpetua a: Ramón Lea García, José Méndez Serantes e Emilio Zufia Moreno.

Fusilárono os golpistas ás 05:00 h no Campo da Rata, na Coruña; pasado polas armas.

Soterrárono o día 11 de xullo nunha fosa común no cemiterio de San Amaro, na Coruña, con Julio Acevedo Veiga, Argimiro Aradas Leiro, Fernando Caamaño Pérez, Alicia Dorado Viso, Antonio Fournerakis, José-Santiago García Rey, Francisco González Agilda, Delfino Liñeira Fraga, Francisco Meizoso Veiga, Carlos Míguez Díaz, Rotilio-Enrique Naya Rodríguez, María Otero González, Domingo Rey Lago, José Rodríguez, Manuel Rúa Losada, Luis Rufilanchas Salcedo, Genaro Ruano Sanjurjo, José Valeiro Caramés e Nicolás Veiga Núñez. Trasladárono a un nicho en xullo de 1937.