Seoane López, Luis

Avogado, debuxante, pintor, gravador e escritor, 26 anos. Mozo da súa curmá María-Elvira Fernández López, Maruxa Seoane, coa que casou por poderes no ano 1937; non tiveron fillos. Fillo de emigrantes galegos, instaláronse na Coruña no ano 1916. Estudou Dereito na Universidade de Santiago de Compostela (USC).

O día 26/03/1930 no Pazo de Hermida, propiedade do anfitrión José Vázquez Batalla, tivo lugar a reunión de 50 republicanos, no coñecido como Pacto de Lestrobe e no que se acordou entre as persoas reunidas na asemblea a creación da Federación Republicana Galega (FRG).

Os asistentes en representación da Coruña foron 18: Gerardo Abad Conde, José Calviño Domínguez, Santiago Casares Quiroga, Joaquín Cotarelo Martínez, Manuel Fernández Fernández, Aurelio Fernández Morales, Ricardo García Lago, Juan González Rodríguez, César Guillán Bozo, Manuel Insua Sánchez, Ramón Lago Portela, Eduardo Paredes Rodríguez, Federico Pérez Lago, Alfredo Somoza Gutiérrez, Arturo Taracido Veira, Antonio Villar Ponte, Julio Wonenburger Canosa e Juan Wonenburger Varela. Por Betanzos 1: Víctor Montoto Arias. Polo Carballiño (Ourense) 1: José del Peso Sevillano. Por Lugo estiveron 2: César López Otero e Rafael de Vega Barrera. De Pontevedra 8: Amancio Caamaño Cimadevila, Víctor Casas Rey, José Echevarría Novoa, Bibiano Fernández Osorio-Tafall, Vicente García Temes, Joaquín Maquieira Fernández, Joaquín Poza Juncal e Avelino Silva Güimil. Por Ourense 4: Luis Fábrega Coello, Santos Fernández Fueyo, Pío Príncipe Gracia de Romero e Jesús Prósper Ros. De Santiago de Compostela 13: Fernando-Luis-Ventura Barros Pumariño, José Caamaño Caamaño, Joaquín García Labella, Rodrigo-Patricio García Rey, Manuel-María González López-Prado, José-Vicente López Chacón, Constante Nogueira Sardiña, Ramiro Prieto Cernadas, Jesús San Luis Romero, Laureano Santiso Girón, Luis Seoane López, Andrés Suárez Rodríguez e Narciso Vidal Fraga. Na representación de Vigo 1: Federico Zamora Mosquera. Por Vilagarcía de Arousa 2: Dámaso-Luis-Ramón Carrasco Duaso e Luis García-Reboredo Isla.

Exerceu de avogado laboral na Coruña de 1931 a 1936.

Membro do Partido Galeguista (PG) desde 1933.

Membro das Irmandades da Fala.

Fixo campaña a favor do Estatuto de Autonomía de Galicia (EAG).

Membro da masonería.

Exiliado.

Despois do golpe militar tivo intención de acudir na defensa do Goberno Civil; cando estaba no Café Galicia, na Coruña, alguén o informou de que andaban a buscalo por galeguista e republicano. Luis agochouse na casa do seu cuñado Emilio, en Montrove, Santaia de Liáns, Oleiros (A Coruña).

A mediados de setembro de 1936 foi quen de embarcar en Lisboa (Portugal), onde chegara con documentación falsa, cara o exilio en Bos Aires (República Arxentina).

En marzo de 1937 casou por poderes con Maruxa Seoane, que ese mes tamén embarca en Lisboa cara o exilio bonaerense.

Era cuñado de Manuel Fernández López, ao que executaron os rebeldes o día 11/07/1937.

No ano 1963 regresou a Galicia.