Barros Pumariño, Fernando-Luis-Ventura

Avogado, escritor e político, 29 anos. Veciño de Santiago de Compostela. Estudante de Medicina na Universidade de Santiago de Compostela (USC). Delegado da Sociedade de Autores.

Os franquistas acusárono de pertence á masonería.

Militante da Organización Republicana Galega Autónoma (ORGA).

O día 26/03/1930, no Pazo de Hermida, propiedade do anfitrión José Vázquez Batalla, tivo lugar a reunión de 50 republicanos, no coñecido como Pacto de Lestrobe, no que se acordou entre as persoas reunidas na asemblea, a creación da Federación Republicana Galega (FRG).

Os asistentes en representación da Coruña foron 18: Gerardo Abad Conde, José Calviño Domínguez, Santiago Casares Quiroga, Joaquín Cotarelo Martínez, Manuel Fernández Fernández, Aurelio Fernández Morales, Ricardo García Lago, Juan González Rodríguez, César Guillán Bozo, Manuel Insua Sánchez, Ramón Lago Portela, Eduardo Paredes Rodríguez, Federico Pérez Lago, Alfredo Somoza Gutiérrez, Arturo Taracido Veira, Antonio Villar Ponte, Julio Wonenburger Canosa e Juan Wonenburger Varela. Por Betanzos 1: Víctor Montoto Arias. Polo Carballiño (Ourense) 1: José del Peso Sevillano. Por Lugo estiveron 2: César López Otero e Rafael de Vega Barrera. De Pontevedra 8: Amancio Caamaño Cimadevila, Víctor Casas Rey, José Echevarría Novoa, Bibiano Fernández Osorio-Tafall, Vicente García Temes, Joaquín Maquieira Fernández, Joaquín Poza Juncal e Avelino Silva Güimil. Por Ourense 4: Luis Fábrega Coello, Santos Fernández Fueyo, Pío Príncipe Gracia de Romero e Jesús Prósper Ros. De Santiago de Compostela 13: Fernando-Luis-Ventura Barros Pumariño, José Caamaño Caamaño, Joaquín García Labella, Rodrigo-Patricio García Rey, Manuel-María González López-Prado, José-Vicente López Chacón, Constante Nogueira Sardiña, Ramiro Prieto Cernadas, Jesús San Luis Romero, Laureano Santiso Girón, Luis Seoane López, Andrés Suárez Rodríguez e Narciso Vidal Fraga. Na representación de Vigo 1: Federico Zamora Mosquera. Por Vilagarcía de Arousa 2: Dámaso-Luis-Ramón Carrasco Duaso e Luis García-Reboredo Isla.

En 1931 era secretario do Centro Republicano de Santiago de Compostela. Despois integrouse en Esquerda Republicana (ER).

Detido polos sucesos da folga xeral revolucionaria de outubro de 1934.

Encarcerado. Exiliado.

No momento do golpe dos militares sublevados permaneceu agochado no Sanatorio Baltar, en Santiago de Compostela, ata pasar a Portugal, desde onde acadou a zona republicana. Integrouse no exército republicano co grao de comandante.

Procesaron no Tribunal Especial para a Represión da Masonería e o Comunismo na causa 155/37 de Santiago de Compostela.

Despois da derrota republicana os franquistas detivérono e xulgárono polo delito de adhesión á rebelión

Ingresárono na prisión de San Miguel de los Reyes (Valencia) o día 14/04/1939. Trasladárono o 22/11/1941 á Prisión Central de El Puerto de Santa María (Cádiz) e á Prisión Provincial de Porlier (Madrid) o día 09/11/1942.

En 1945 as autoridades franquistas conmutáronlle a pena pola de seis anos de confinamento, que tería que pasar en Vigo (Pontevedra).

En abril de 1948 desapareceu do seu domicilio da cidade viguesa e fuxiu a Francia, onde traballou de albanel.