Saavedra Montero, Antonio

Xornaleiro, 27 anos. Veciño de Cervás.

Militante do PSOE e da UXT.

Xulgárono na causa 216/34 polo delito de adhesión á rebelión e condenárono a 26 anos de prisión pola súa participación na folga xeral revolucionaria de outubro dese ano; amnistiouno a Fronte Popular (FP) despois do triunfo electoral do ano 1936.

Fuxido. Encarcerado.

Durante a guerra civil permaneceu agochado na aldea de Cervás, con Benito Feijoo Seguín; José Rebón Martínez, Gelfo, e Juan Castro Villar.

O día 21/07/1939 a unha da mañá foxen no bou Ramón cara Inglaterra, aínda que acabaron en La Pallice (Francia), onde chegaron o día 23 de xullo os 27 fuxidos; conducíronos ao campo de concentración de Le Barcarès (Pireneos Orientais, Occitania, Francia). A fuga organizárana os irmáns Miguel Leira Fernández e Antonio Leira Fernández, os Chuchos da Vella.

No bou Ramón fuxiron 27 persoas: Luis Abella Beade; Manuel Barreiro Montero; Cipriano-Antonio Casteleiro Feal, militar; Juan Castro Villar, xornaleiro; Benito Feijoo Seguín, canteiro; Manuel Fernández García; Juan Fraga Rey; José Fuentes Justo; Manuel Fuentes Justo; Manuel Gómez Varela, xornaleiro; Moisés Lago Lorenzo, sindicalista; Marcelino Lara Viñas, mariñeiro; Rogelio Leal López, sindicalista; Juan Leal Tenreiro; Antonio Leira Fernández (organizador); Miguel Leira Fernández, (organizador); José Montero Fernández; Jesús Morgade Feal, militar; Basilio Pérez Mayobre, político; Manuel Raposo Peña, militar; José Rebón Martínez, metalúrxico; Juan Rincón Téllez, peón; Juan-José Rodríguez Díaz; Antonio Saavedra Montero, xornaleiro; Antonio Santamaría López, metalúrxico (alcalde de Ferrol); José Sequeiro Ares e Domingo Serantes Sequeiro, obreiro naval.

A tripulación do barco asaltado formábana: José-Antonio Sequeiro Fernández, patrón de costa; José-Ramón Sánchez Amado, maquinista, e os mariñeiros: José-Benito Brage Cartelle, Juan-Antonio Fernández López, Gabriel González Porto, José-María Martínez Martiño, Ramón Rey García, José-María Rodríguez Planas, Francisco Romualdo Martiño e Juan Sánchez Fernández.

Por mor desta fuga procesaron como persoas encubridoras, entre outras, a: Antonia Amado Varela, xornaleira; as irmás Carmen Landeira Maneiro, modista; Felicia Landeira Maneiro, traballo na casa, e Rosa Landeira Maneiro, traballo na casa, e tamén María Pazos Vázquez, traballo na casa; José-María Pérez Mayobre, militar, e Dolores Seijas Montero, xornaleira.

En Francia traballou en Metz e en Marsella.

Residía en Francia cando o arrestou a Gestapo (policía secreta nazi) e enviárono a España.

Xulgado en consello de guerra en Ferrol (A Coruña) polo delito de rebelión militar co resultado de sentenza a 17 anos de prisión.

Interno na Prisión Central de Figueirido (Pontevedra), deixárono en liberdade condicional provisoria o día 19/06/1943, que se publicou no BOE nº 205 do 24/07/1943.