Cabanillas Enríquez, Ramón

Funcionario, escritor e poeta, 60 anos. Despois de deixar o seminario, desenvolveuse como funcionario do Concello de Cambados. En 1910 emigrou a Cuba e volveu a Galicia en 1915.

Agrarista. Cando volveu de Cuba exerceu de funcionario de varios concellos da provincia de Pontevedra e seguiu na defensa das teses agraristas.

Membro das Irmandades da Fala, da Real Academia Galega (RAG) en 1920 e da Real Academia Española (RAE) en 1929.

Participou o día 25/09/1930 no Pacto de Barrantes, que tivo lugar neste pazo de Ribadumia (Pontevedra) entre varias figuras do galeguismo e que propiciara o centrista Manuel Portela Valladares para combater as posicións gañadas dentro do republicanismo galego por Santiago Casares Quiroga no Pacto de Lestrobe. Ambos pactos preludiaban o triunfo da República en Galicia. En Barrantes defendeuse a autonomía, o anticaciquismo, a cooficialidade do idioma e o poder gobernamental desenvolvido polo pobo.

Entre os asistentes e asinantes deste pacto estiveron: o centrista Manuel Portela Valladares, os galeguistas Alfonso-Daniel-Manuel Rodríguez Castelao, Ramón Otero Pedrayo, Ramón Cabanillas Enríquez, Luis Peña Novo, Enrique Peinador Lines, Florentino López Alonso-Cuevillas e Álvaro-María de las Casas Blanco. Tamén estaban os lerrouxistas: Ramón Salgado Pérez, Raimundo Vidal Pazos e Victoriano García Martí. Os agraristas: Isidoro Millán Mariño e Basilio Álvarez Rodríguez. Os correspondentes de El Pueblo Gallego: Jesús Bal y Gay, Ramón Fernández Mato. Tamén acudiron: Laureano Gómez Paratcha, o liberal Armando Cotarelo Valledor, Valentín Paz Andrade, Elpidio Villaverde Rey, Avelino López Otero e José-María Díaz Díaz-Villamil.

Lembrado como “o poeta da raza”.

Depurado.

Ábreselle un expediente de depuración no Concello de Meis.